الرئيسية
من طرف بسم الله الرحمن الرحيم
النهارده هاتكلم على حاجتين مهمين جدا و موجوده فى النيو لوجان
اول حاجه عمود الاتزان ((الاستبليزر)) و المسمى البلدى بتاعه مساعد القنطره و هو مهمته فى حاجتين بيمسك العجلتين اللى قادم مع بعض و ما بيخليش صدر العربيه يفتح و يحتاج زرجينه لا قدر الله و لكن مهمته الاساسيه ان حضرتك لما تيجى تاخد دوران و انت ماشى بيبقى فيه ميل نسبى فى الاطارات ((الكاوتش بينزل على جنبه بالبلدى))
مهمته انه يقلل نسبه الميل جدا جدا
ثانيا الدنجل الخلفى ((موجود فى كل عربيات الدفع الخلفى )) علشان الكرونه و عمود الكردان و مهمته مش بتقل عن اهميه عمود الاتزان فى الامام علشان بيمسك العربيه فى النص اللى ورا و بيحمى الشاسيه جدا جدا من الاعوجاج او انه يفتح برضه
و الشباب اللى بتغير مواتير للعربيات ((تسقيط الماكينه)) فى الغالب بيحتاج يركب ((استراس بار )) اللى بيمسك العربيه و ده تقريبا نفس اللى بيعمله عمود الاتزان و الدونجل.
العربيه مصفحه من تحت الموتور ايضا علشان الناس ما تقلقش
و مجموعه الخراطيم اللى ماشيه تحت العربيه برضه متامنه تماما علشان محدش يقلق
تصفيح أسفل الماتور
الشرح من اخويا وحبيبي عمرو الشرقاوي
الصور من تصويري أحمد ممدوح
